Вести

Во Кичево граѓански протест на здружението “За заедничка Македонија”

Пред платото на домот на културата во Кичево и вечерва се одржа граѓанскиот протест на здружението „За заедничка Македонија”.

 

Пред присутните се обрати Даме Силјаноски кој, како што рече, во име на граѓанското здружение порача дека јазикот, знамето, химната и грбот се нашиот идентитет и столбот на нашата држава и нема оти нема да се дозволи било кој да тргува до нив и со иднината на земјата само за да се дограби до власта без поддршка на мнозинскиот македонски народ.

– Ќе продолжиме се додека сите инволвирани не се откажаат од платформи создадени во туѓи држави. Имаме една заедничка татковина која треба заеднички да ја градиме, но исто така и заеднички да ја браниме. Ќе продолжиме се додека не се отстранат сите опасности по иднината на нашата татковина, рече тој.