среда, 22. август 2018. Вести денес: 0
home Вести

Славески: Македонија не ги искористи светските позитивни економски движења за да генерира раст

Славески: Македонија не ги искористи светските позитивни економски движења за да генерира раст

Во вчерашната емисија на ТВ Алфа „Без ракавици“ на тема „Може ли Македонија да ја преживее економската криза на Заев“ гостуваше професорот на економскиот факултет и поранешен министер за финансии и министер за развој, Трајко Славевски.

Имено, во емисијата се коментираше за економската ситуација во Македонија после податоците за четвртиот квартал за раст на БДП и годишниот катастрофален раст од само 0 % на македонската економија.

Професорот Славевски истакна дека растот на БДП за 2017 година е еден од најлошите резултати не само во Европа туку и во регионот.  Во услови кога Романија има раст од 6% потоа Србија  од  1,9 % Хрватска  2,8 % ,Словачка 3,4% ,Бугарија  3,6%,Словенија 5 %, и Романија 7% Македонија бележи стагнација на економската активност.

Славевски истакна дека последниот квартал од гледна точка на растот и по природа на нештата  е секогаш попродуктивен   бидејќи е поттикната јавната и личната потрошувачка  и нагласи  дека растот од само 1,2 % на БДП е разочарувачки бидејќи  не ги надоместува загубите во БДП во останатите три тримесечја.

Тој кажа дека најзагрижувачки е фактот дека по смената на власта после која се очекуваше релаксација кај главните актери во економијата, кај населението домаќинствата и бизнисите и која би резултирала со  зголемен ентузијазам и придонес за зголемена економска активност не се случи.

Професорот истакна дека тоа треба да биде загрижувачки за сите затоа што во услови кога светската и европската економија бележат раст  македонската економија стагнира. Уште поалармантно е дека во време кога светската економија го достигна својот врв очекувањата за наредните периоди е дека ќе има надолни движења и дека тоа воопшто не е добро за ранлива економија како што е македонската.

Славевски смета дека Македонија не ги искористи поволните позитивни економски  движења во светската и европската економија да генерира раст и дека во наредните години тоа би било уште потешко.