Вести

Локализиран пожарот кај „Здравко Цветковски“, нема повредени

Пожарот кај напуштените бараки кај СУГС „Здравко Цветковски“ на булеварот „Партизански одреди“ е ставен под контрола и нема повредени лица.

Командантот на Бригадата за противпожарна заштита на Град Скопје Звонко Томески за МИА изјави дека пожарот е локализиран и оти не постои опасност да се прошири.

1pozar

Интервенирано е со 30 пожарникари, а во гаснењето на пожарот помогнале и екипи на Јавното претпријатие „Водовод и канализација“.

2pozar

– Спречено е ширење на пожарот на останатите бараки. Нема повредени лица и пожарникари, истакна Томески.

3pozar

Со пожарот беа зафатени три напуштени бараки кои се наоѓаат во близина на булеварот „Партизански одреди“ во скопската населба Карпош.