Вести

Костески за РСМ: 67 пратеници треба да одговараат за нелегалниот избор на Џафери

Здружението на граѓаните за почитување на прописите од Битола, формирано уште во 2004 година, чија главна дејност е следење на изборите, следење судски постапки и слично, вчера поднесе кривична пријава до Основното јавно обвинителство во Скопје против пратениците Ферид Мухиќ, Горан Мисовски, Талат Џафери и уште 64 други, меѓу кои и Зоран Заев и Али Ахмети, за нелегалниот избор на претседател на Собранието на 27 април.

Претседателот на ова здружение, Васко Костески во гостувањето на Радио Слободна Македонија порача дека Јавното обвинителство треба итно да постапи против овие пратеници кои според него, сториле тешки дела меѓу кои и велепредавство.