Вести

Кичевчани масовно порачаа: Претседател на Собрание и Влада качени на Тиранската платформа нема да има, но ќе има избори

Пред платото на Домот на културата во Кичево и вечерва на протест се собраа поддржувачите на Граѓанската иницијатива „За заедничка Македонија“.

 

Даме Силјаноски истакна дека Граѓанската иницијатива „За заедничка Македонија” има став и цврсто барање од кое нема враќање назад, а тоа се нови избори.

Не може никој, рече тој, со изигрување на мнозинството граѓани со постизборна измама да владее во Република Македонија без народен легитимитет.

– Ние тоа ќе го спречиме. Претседател на Собрание и влада кој нема да се отаже од тиранската платформа нема да има, но ќе има избори во Република Македонија. Бараме свикување на итна собраниска седница со единствена точка на дневниот ред распуштање на Парламентот, прогласување и распишување на предвремени парламентарни избори, рече Силјаноски.