Вести

Груевски со два нови проекти: Стекнување на сопствен дом и отпис на долгови за социјално загрозени семејства

Политиката на ВМРО произлегува од проекти и решенија. Решенијата и проектите ја формираат нашата политика. Ние ја нудиме новата ера. Новата ера во која нема да има неасфалтирана и неосветлена улица, новата ера каде имаме парк во секое маало, ова го потенцираше лидерот на ВМРО-ДПМНЕ Никола Груевски вечерва на митингот во Валандово.

-Новата ера на минимум 150 илјади нови работни места, односно пад на невработеноста под 10 проценти. Кога можевме да ја намалиме од 38 на 22.6 проценти, можеме да ја спутиме и под 10 проценти. Нова ера на двојно намалена невработеност кај младите и поголеми можности за стекнување со сопствен дом. Нова ера на 2.5 пати повисок приход по жител – односно од 5 на 12 илјади долари. Тоа значи 2.5 пати побогати граѓани, но и 2.5 пати повеќе пари во државата за капитални проекти, нови патишта, нови водоводи, болници, канализации, нови училишта, улици, паркови. Нова ера на најниски даноци. Поголеми плати, пензии субвенции. Нова ера на големи вложувања во екологијата и животната средина за почист воздух и вода, вели Груевски.

Тој додава дека во новата ера секоја општина во државата, вклучително и Валандово учениците од прво до петто ќе имаат бесплатен оброк во секоја општина каде што ВМРО-ДПМНЕ и Коалицијата ќе имаат мнозинство.

-Придобивките се повеќекратни, децата добиваат секојдневно здрава храна значајно за нивното здравје и создавање на добри навики за користење на производи кои се корисни за нивниот развој, но и ќе се оствари заштеда за родителите. Директно се помага домашниот буџет на секое младо семејство, а родителите имаат заштеди од околу 600 денари месечно за едно дете или за цела учебна година околу 5.400 денари. Ако има две деца, заштедите се двојно поголеми, односно по 1200 денари месечно или без малку 11 денари годишно. Како дојдовме до овој проект?- На средбите кои ги имавме со граѓаните во изминатиот период, многу родители посочуваа дека оброците на децата треба да се подобрат, но и воедно дека преставуваат оптоварување на нивните семејни буџети, особено ако се во прашање многудетни семејства. Седнавме, направивме пресметка. ВМРО нуди решенија и еве излеговме со решение кое ќе го примениме во секоја општина каде ќе ја добиеме поддршката од граѓаните, истакна Груевски.

Тој деректно од Валандово најави два нови проекти:

Стекнување на сопствен дом

Овој проект е значаенм посебно за младите семејства кои сакаат да стекнат сопствен дом. Со овој проект, ќе овозможиме семејствата кои немаат сопствен дом, да можат да дојдат до сопствен дом со многу пониски трошоци. Проектот ќе опфати: Обезбедување на локации и земјиште за изградба на нови куќи од страна на општината. Земјиштето ќе биде поделено на парцели и понудено за купување на аукција по симболична почетна цена од само 1 евро по квадратен метар. Општината ќе ги укине или намали трошоците за граѓаните за комуналии, на следниов начин:

– семејства со приход до 1 просечна нето плата во РМ (во моментов изнесува 22.670 денари месечно) – 100% или целосно ослободување од комуналии. За оваа категорија на граѓани земјиштето ќе биде дадено бесплатно.

– семејства со приход од 1 до 2 просечни нето плати (од 22.670 до 45.340 денари месечно) – 75% ослободување од комуналии

– семејства со приход меѓу 2 и 3 просечни нето плати (од 45.340 до 68.010 денари месечно) – 50% ослободување од комуналии и

– семејства со приход од 3 до 5 просечни нето плати (од 68.010 до 113.350 денари месечно) –  25% ослободување од комуналии

Општината ќе има обврска од сопствени средства да им обезбеди патна и комунална инфраструктура на граѓаните за овие локации, вели Груевски.

Тој додава дека овој нов проект се однесува за надградба на постоечки куќи.

-Предвидуваме ослободувањето или намалувањето на комуналии да може да се користи и во овој случај, доколку некое семејство сака да изврши надградба на кат на постоечка куќа. Процентите на намалување на комуналиите се идентични како при изградба на нова куќа, потенцира Груевски.

Вториот проект кој го најави Груевски е отпис на долгови засоцијално загрозени семејства

-Во сите општини во кои ќе победат градоначалници од ВМРО-ДПМНЕ и Коалицијата За Подобра Македонијa, ќе извршиме еднократен отпис на достасани долгови за вода и ѓубретарина заклучно со 30.09. 2017 година, за граѓани од социјално загрозени семејства, и тоа: Приматели на социјална ипостојана парична помош  (околу 35.000 лица) Семејства кои што се приматели на посебен додаток, односно имаат лица со пречки во развојот  (околу 8.000 лица) Семејства коишто се во потешка материјална состојба, односно имаат приходи помали од просечната плата во Република Македонија. Овој проект произлезе од нашите средби што ги имавме со лицата од социјално загрозени семејства и честите барања за ослободување од плаќање на сметки за вода и комуналии. Со оваа мерка ќе се избегнат и утужувањата и трошоците за извршители за сите лица и семејства опфатени со овој Проект. Отписот на долгови за вода и комуналии ќе биде донесен како мерка на првата седница на новиот Совет на Општините и ќе стапи во сила веднаш, односно од ноември 2017 година, потенцираше Груевски.