Вести

ДЗС подготвена да ангажира тимови за брз одговор за гаснење на пожарите

Дирекцијата за заштита и спасување соопшти дека ја следи состојбата со пожарите на целата територија на Република Македонија и е подготвена во секој момент доколку има потреба да ангажира тимови за брз одговор за нивно гаснење.

 

Од Дирекцијата посочија дека општината Гази Баба побарала помош од нив за справување со пожар во реонот на с. Булачани.

– Ангажирани се 39 лица од силите за заштита и спасување заедно со три специјални теренски возила опремени со пумпи, два минибуса за транспорт на припадниците и две теренски возила за логистика на терен, стои во соопштението од Дирекцијата за заштита и спасување.