Од јули градежното земјиште под капа на општините

Со цел електронско менаџирање на локалната самоуправа со градежното неизградено земјиште, Министерството за транспорт и врски подготвува софтверски програм.

-Општините кои ќе ги исполнуваат условите, со новиот закон за градежно земјиште, ќе можат од 1-ви јули да управуваат со земјиштето, со што ќе се овозможи на едно место, односно во општината и да се купи земјиште и да се обезбеди одобрение за градење. Сето ова ќе биде поедноставен систем за идните домашни и странски инвеститори, истакна министерот Миле Јанакиески.

Воедно, посочи министерот, предвидени се и обуки за општинската администрација кои ќе се одржуваат во просториите на ЗЕЛС.