Хроника

Шест лица полесно повредени во сообраќајки во Скопје

Шест лица се полесно повредени во четири од вкупно девет сообраќајни несреќи што се случиле во текот на вчерашниот ден на подрачјето на СВР Скопје. Во пет е причинета материјална штета.

soo

Во текот на вчерашниот ден полицијата презела казнени мерки поради прекршоци кај двајца возачи кои возеле под дејство на алкохол и кои се исклучени од сообраќај, тројца возачи кои поминале на црвено светло на семафор, како и 15 возачи кои возеле без возачка дозвола, односно нерегистрирано. Затекнати се и 59 непрописно паркирани возила.

Со помош на специјалното возило „пајак“, отстранети биле 78 возила.

Во рамки на сообраќајно-воспитната акција „Да ги заштитиме децата во сообраќајот“, Одделението за превенција денеска ќе реализира едукативни работилници во ООУ и ПОУ „Кузман Јосифовски Питу“ кои се наоѓаат на подрачјето на општина Кисела Вода.