Живот и стил

Возете велосипед до работа за помал ризик од срцеви болести и рак

Истражувањето кое вклучувало 250 илјади луѓе утврдило поврзаност на редовното возење со велосипед и речиси половина помалиот ризик од срцеви заболувања или развивање на рак.

Петгодишната студија исто така покажала и дека шетањето до работното место има предност во однос на возењето со возило. Истражувачите од Глазгов заклучиле дека поголемиот дел од луѓето навикнале да се возат со велосипед по одредено време и дека возењето до работното место не им претставувала никаков проблем.

Од вкупниот број учесници, 2.430 во текот на петгодишниот период починале, кај 3.748 е дијагностициран некаков облик на рак, а 1.110 имале некој облик на срцево заболување. Исто така, во текот на истражувањето, редовната вежба со возење на велосипед го намалила ризикот од смртни болести за 41 процент, можноста за развивање на рак за 45 проценти, а срцеви заболувања за 46 проценти.

Велосипедистите просечно поминувале по 50 километри неделно, а оние кои поминувале повеќе, имале и подобри здравствени резултати. Пешачењето, во слична мера влијаело на здравјето, но благосостојба имале луѓето кои поминувале најмалку 10 километри.

Заклучоците од студијата ќе бидат и понатаму анализирани, а статистичките податоци ќе бидат прилагодени за да се отстранат други работи кои би можеле да влијаат на точните резултат, како што се пушењето, посебните диети и телесната тежина.