недела, 23. септември 2018. Вести денес: 53
home Технологија

Децата ги игнорираат вашите пораки? Потребна ви е оваа апликација!

За да работи, апликацијата мора да биде инсталирана и на телефонот на испраќачот и на телефонот на примателот. Кога корисникот ќе ја отвори, во неа се пишува пораката и потоа се испраќа.
Децата ги игнорираат вашите пораки? Потребна ви е оваа апликација!

Еден родител успеал да пронајде начин како да ги натера децата да не ги игнорираат пораките што нивните родители им ги праќаат на мобилните телефони.

Имено, британецот Ник Херберт ја дизајнирал и ја направил апликацијата ReplyASAP, која го заклучува мобилниот телефон на детето додека тоа не одговори на пораката од родителите.

Херберт на ваков потег бил поттикнат поради однесувањето на својот син Бен, кој го исклучувал ѕвонењето на телефонот и не ги слушал повиците или намерно ги игнорирал пораките на својот татко.

Токму затоа тој се обидел да најде апликација што ќе го пробие тивкиот режим на телефонот и ќе го привлече вниманието на Бен. Кога не пронашол таква апликација, решил да создаде своја.

За да работи, апликацијата мора да биде инсталирана и на телефонот на испраќачот и на телефонот на примателот. Кога корисникот ќе ја отвори, во неа се пишува пораката и потоа се испраќа.

Кога ќе стигне испратената порака, на телефонот на примателот се огласува силен аларм и апликацијата го заклучува екранот додека не биде одговорено на неа.

Испраќањето пораки е бесплатно, а исто така и апликацијата доколку се користи во комуникација само со едно лице. За повеќе контакти користењето се наплаќа.

ReplyASAP во моментот е достапна само за платформата „Андроид“.